Kapitalismoaren garapen prozesuan, behin gizarteko azpiegitura produktiboan nahikoa errotu zenean, ezinbestekoa izan zen makinariaren fabrikazioa handitzea eta zabaltzea. Pausu honek historian aldaketa kualitatiboa ekarri zuen. Ekonomian ekoizpen industrialaren nagusitasunaren aroa heldu zen, merkantzien ekoizpen masiboaren aroa, eta honekin batera, noski, kapitalisten aginte ekonomikoa eta politikoa finkatu zen.

Azken aldian albistegietan Venezuela Colombiarekin izan dezakeen gerrarako prestatzen ari dela entzuten ari gara behin eta berriz. Eta zein da marxistok gerrarekiko izan behar dugun jarrera? Jarraian dakargun  gaztelerazko artikulu honetan ematen dio galdera honi erantzuna Leninek.

Sektore ezberdinetako borrokak elkartzea beharrezkoa da!

Langile klaseak batasun sindikala behar du!

1929tik aurrekaririk ez duen krisi ekonomikoak kapitalismoaren oinarri sozial eta politikoak astintzen eta sistema atzerakoi honen benetako aurpegia erakusten jarraitzen du. Krisia sufritzen ari diren bakarrak langileak eta gizarteko sektore zapalduak izan arren, kapitalisten ikuspuntutik konponbide bakarra dago bertatik ateratzeko: gastu soziala murriztu eta soldatak eta langileen eskubideak erasotu. Baina maiatzean eta ekainean sektore ezberdinetako langileek egin dituzten grebak eta mobilizazioak asko izan dira eta jarraipen handia izan dute.

Zer gertatzen ari da Europar Batasunean? Funtzionatuko al du Europako agintariek onartutako egonkortasun planak? Euro-zona hautsiko al da? Europako Batasunetik ateratzea al da, Sarkozyk Estatu frantziarrarekin mehatxatu bezala, langile klase frantziarraren edo beste estatu europar bateko langileen irtenbidea? Nola defenda daitezke langile klasearen interesak egoera honetan?

Ted Grantek 1945eko martxoan, Bigarren Mundu Gerra amaitu eta berehala idatzitako artikulua da jarraian gazteleraz eta oharrez hornitua aurkezten duguna. Gerra bukatu ondoko egoera sakonki aztertu eta ondorengo gertakari zenbait aurreikusten dira bertan. Ikasgai askoz betetako artikulua dugu honakoa.

Eliza katolikoko elizgizonekin lotuta dagoen pedofiliaren arazoa kontu berria ez bada ere, azken aldian azaleratu diren herrialde, biolatzaile eta adin txikiko biktimen kopuru altuak, gaia munduko politikako lehen planoan jarri du.

Uztailaren 10ean Bartzelonan Estatutaren murrizketen kontra deitua zegoen manifestaldiaren arrakasta ukaezina da. Guardia Urbanak milioi bat eta ehun mila lagun bildu zirela baieztatu du eta antolatzaileek milioi bat eta erdi lagun bildu zirela diote. Lynceren baieztapena (ustezko adituak aglomerazio kontuetan), 56.000 lagun bildu zirela, adar jotze bat da. Zalantzarik gabe, manifestaldi jendetsua eta masiboa izan zen eta garrantzitsua da bere esanahia ulertzea.

Azken hamarkadan, Europako herrialde gehienetan langile klasearen mobilizazio jendetsuak ikusteko aukera izan dugu, adibidez 2002an Italian 12 milioi langilek babestutako greba orokorra Berlusconiren gobernuaren aurka 3 milioi manifestarirekin, Irakeko gerraren aurkako mobilizazio masiboak… eta honela zerrenda luze bat, Estatu frantziarrean, Austrian, Belgikan, Irlandan, Danimarkan, Grezian, etab…

Zapateroren gobernuaren herstura planarekin eta lan erreformarekin fase berri bat ireki da. Kapitalista espainiarrek, Euskal Herriko, Kataluniako eta Galiziako kapitalisten babesarekin, langile klasearen aurkako erasoak handitzeko erabakia hartu zuten eta PSOEren gobernua, Eusko Jaurlaritzaren eta Nafarroako Gobernuaren laguntzarekin, hau praktikan jartzen ari da. Honen ondorioz, gatazka sozial sakonagoak eta ezegonkortasun politiko handiagoak sortzeko mehatxua egon arren, klase dominatzaileak ondorioztatu du garaia dela “neurri estrukturalak” martxan jartzeko. 

Europako burgesiak herrialde guztietan areagotu ditu langileen kontrako erasoak. Jarraian, Europako (eurozonakoa izan edo kanpokoa) herrialde zenbaitetan eman diren langileen kontrako erasoak azalduko ditugu laburki (gazteleraz).

Hego Euskal Herriko gehiengo sindikalak (ELA, LAB, EILAS, Hiru, ESK, EHNE eta CCOO) esan duenez atzoko grebak arrakasta eta jarraipen handia izan zuen. Patronalaren arabera, ordea, jarraipen eskasa izan omen zuen. Beste behin agerian geratu da langile klaseak duen bere aurkako erasoei aurre egiteko duen potentziala.

Euskal Herriko gehiengo sindikalak Greba Orokorrerako deia egin du ekainaren 29rako. Behean doana, Euskal Herria Sozialistak ekainaren 29ko greba orokorrerako batik bat enpresa eta poligonoetan banatuko duen eskuorria dakargu.

 IRAKURRI eta ZABALDU!!

Maiatzaren 5ean aurtengo laugarren greba orokorra antolatu zen Grezian PASOKen gobernuak aurkeztutako herstura planari erantzuna emateko. Greziako gobernuak 30.000 milioi murriztu nahi ditu hiru urtetan plan honekin, eta horren truke Europako Batasunak eta FMIak 110.000 milioi euroko erreskate fondoa emango die, estatu greziarrak dituen zorrei aurre egiteko.

Maiatzaren 14ean estatu espainiarreko IBEX-35a %6,6 erori zen, bere historiako erorketa handienetakoa eta 2008ko urritik handiena izan zuen. Erorketa honek eragina izan zuen beste boltsa europarretan, zor espainiarraren kostuan eta euroan.