Langile mugimendua

La Navalen itxierari ez! EEErik, kaleratzerik eta murrizketarik ez plantilan eta azpikontratetan! Gatazka beste fabriketara zabalduko duen klaseko politika sindikala behar dugu!

La Naval ontziola 2006an pribatizatu zenetik garairik txarrenak igarotzen ari da. PP eta PSOEren gobernuek EAEn EAJren babesarekin ontzigintzaren industriarekin amaitu nahi izan dute. 80ko hamarkadan zeuzkan milaka langileetatik urrun, Sestaoko ontziolak zuzeneko 250 langile besterik ez ditu eta zortzi erregulazio txosten jarraian lotzeaz gain martxoa lan kargarik gabe hasi zuen. Azken asteetan langileek salatu dute enpresaren egoera jasangaitza dela eta eskaerarik egon ezean La Naval betiko ixteko arriskuan dagoela; baina honi guztiari irtenbide bat aurkitu beharrean Eusko Jaurlaritzak eta Bizkaiko Foru Aldundiak beste alde batera begiratu dute, ontziolan lan egiten duten langileak egoera larrian utziz.

Gehiago irakurri: La Navalen itxierari ez! EEErik, kaleratzerik eta murrizketarik ez plantilan eta azpikontratetan!...

Elkartasuna Antaliseko langileekin! Lanpostu guztien defentsan!

Pasa den ostiraletik langabezian daude Antaliseko 37 langileak, kaleratze eskutitzak jaso ondoren. Gaur, beste behin, mobilizatu egin dira beren lanpostuen defentsan. Euskal Herria Sozialistatik babes osoa eman nahi diegu Antaliseko langileei eta beren borrokari, eta beste behin, gure proposamena luzatzen diegu sindikatuetako arduradunei kaleratzeei eta fabrika itxierei aurre egiteko.

Gehiago irakurri: Elkartasuna Antaliseko langileekin! Lanpostu guztien defentsan!

Edesako langileak borrokan! Alternatiba: Langileen kontrolpeko Edesa publikoa!

Basauriko Edesa fabrikako langileek 100. eguna bete dute itxialdian. Egunero, hutsik egin gabe, turnoak antolatzen dituzte borroka luze eta gogor hau aurrera eramateko. Agerian geratu da, Fagorren krisiarekin hasitako egoera larriaren aurrean, Mondragon Taldeak eta Urkulluren gobernuak ez dutela inolako alternatibarik Edesako lanpostuak bermatzeko. Langile klasearen borrokarekin soilik, Fagor osoko gainontzeko langileekin batera, lortu daiteke Edesako langile familiarentzat onuragarria izango den irtenbidea. Premiazkoa da beraz, sindikatuetako arduradunek, lehenbailen mobilizazio bateratu eta eraginkorrak antolatzea Edesako eta Fagor osoko lanpostuen defentsan.

 

Gehiago irakurri: Edesako langileak borrokan! Alternatiba: Langileen kontrolpeko Edesa publikoa!

Sestaoko Naval ontziola: Sektorea defendatu klaseko borroka bateratuarekin!

Sestaoko Naval ontziolaren etorkizuna larri dago. Hilabete barru lan kargarik gabe geratuko direla azaldu dute langileek. 2010eko apiriletik, enplegua erregulatzeko zortzi dosier jasan dituzte, eta bederatzigarrena datorkie orain. Euskal Herria Sozialistatik gure elkartasuna azaldu nahi diegu bertako 240 langileei eta babesa ematen diegu antolatu dituzten mobilizazioei. Aldi berean, gure proposamena egiten dugu borrokaren garaipenean laguntzeko.

Gehiago irakurri: Sestaoko Naval ontziola: Sektorea defendatu klaseko borroka bateratuarekin!

Kaleratzeen, fabrika itxieren eta langabeziaren aurka

beharrezkoa da sindikatuetako arduradunek langileen eta langabetuen borrokak elkartzea eta koordinatzea!

Gatazkan dauden eta itxi diren fabriketako langileen batasuna borrokan!

 

EAJren gobernuaren arabera, EAEk 2013 urtea 2012 baino 1.700 langabetu gutxiagorekin amaitu zuen eta estatu espainiarrak 146.000 gutxiagorekin. Gobernuak emandako eta hedabide guztiek zabaldutako zifra hauek, ordea, errealitatea ezkutatzen dute. Hainbat arrazoirengatik langabeziako zerrendetan jada agertzen ez diren langabetuak ez dituzte zenbatzen; adibidez denbora luzez zerrendetan egon eta borratu egin diren milaka langabetu edo formakuntza kurtsoak egitean zerrendetatik atera dituzten beste milaka pertsona daude. Beraien mesedetan gordetzen duten beste datu bat da Euskal Herrian inolako laguntzarik jasotzen ez duten ia 100.000 langabetu daudela. Hala ere, lehenagoko datuak PPk estatu mailan eta EAJ eta UPNk Euskal Herri mailan ekonomia errekuperatzen ari denaren ideia sartzeko erabiltzen dute. Edozein datu positibo ia ikusezin bi eskuekin hartzen dute eta krisi amaieraren sintomatzat saltzen digute.

Gehiago irakurri: Kaleratzeen, fabrika itxieren eta langabeziaren aurka

Azpikategoria

Informazio gehigarria